«Қазақстан» қонақ үйінде шет елдің  60-қа жуық үздік жоғары оқу орындарының қатысуымен «International Educational Fair» халықаралық білім көрмесі өтті. Осы жылы халықаралық көрмеге 60-тан астам университет пен 25-тен астам ел қатысты. Жастардың арасында бәсеке мықты болу үшін, білім жақсы дамуы керек. Білімді алуға мүмкіндік жасау үшін мектебіміздің 10-11 сынып оқушыларын көрмеге қатыстырдық.

9-11 сынып оқушылары арасында «Мопедтегі қауіпсіздік», «Кәмелетке толмағандар арасындағы құқық бұзушылық» тақырыбында дәріс өткізілді. Дәрісті Алатау ауданы ІІБ, полиция капитаны Дина Маратқызы Қалиева, директордың тәрбие ісі жөніндегі орынбасары Нұраханова С.Д. жүргізді.

Оқушылардың өзін-өзі басқарудың мектеп парламенті «Тек қуаныш сыйла» акциясын өткізді, онда олар ата-әжелер мен қарт адамдарға қолдан жасалған құттықтау қағаздарын сыйлады. Бұл қуанышты сәттер болды деп үміттенеміз! Өйткені, біздің әрқайсымыз өз өмірімізді назарға және жылы қарым-қатынасқа толтыруға қабілеттіміз! Осы іс-шараға атсалысқан мектеп парламентіне алғысымыз шексіз!

№171 жалпы білім беретін мектепте 1 қазан Халықаралық қарттар күніне арасында “Менің сүйікті атам мен әжем” тақырыбында бейнероликтен байқауы өткізілді. Мақсаты: білім алушыларды үлкендерге сый құрмет көрсетуге үйрету.  

9-11 сынып оқушылары арасында "Қарттарым асыл қазынам" тақырыбында Эссе байқауы өтті. Мақсаты: Өскелең ұрпақтың Үлкендерге деген құрметін арттыру.  

«Оқушылардың көшеде және жолда жүруінің негізгі ережелері» жол қозғалысы ережелері сағаты өткізілді. Мақсаттар: -Оқушылардың жол қозғалысы ережелері туралы білімдерін тереңдету. -Кіші мектеп оқушыларының көшелер мен жолдармен жүру кезіндегі жол қауіпсіздігі туралы түсініктерін қалыптастыру.  

No171 ЖББМ-де мектеп оқушыларының жол қауіпсіздігі туралы түсініктерін қалыптастыруға, көшеде және жолда жаяу жүргіншілерге арналған ережелерді қайталауға, балалардың үйден мектепке дейін қауіпсіз жолды таба білу қабілетін дамытуға бағытталған қауіпсіздік апталығы өтуде. Мақсаты: Жол қозғалысына қатысушылардың барлығына құрмет көрсету.  

Еңбексүйгіштік, іскерлік пен жауапкершілік, үнемі білімге және өзін-өзі дамытуға деген ұмтылыс – жарасымды тұлғаның осы қасиеттері «Адал Азамат» ұғымын бейнелейтін еңбек адамдарында айқын көрінеді. Сондықтан да өз саласының мамандары қоғамның назарында болуы керек, жастарымыз солардан үлгі алуы керек.

Мамандық таңдау – күрделі де жауапты іс. Және бұл жерде әрбір жақын және кәсіби адамның пікірі маңызды. «Еңбек күнін» мерекелеу аясында «Ұрпақтар кездесуі» атты дөңгелек үстел өткізіліп, ұстаздар өздерінің кәсіби қызметі туралы айтып, болашақ ұстаздарға ақыл-кеңестерін айтып, мектеп өміріндегі оқиғаларды еске алды.

Қала күніне арналған «Алматы - сүйікті қалам» атты мектеп оқушыларының жұмыстарының көрмесі.