«Менің Қазақстаным»  атты  көрме  ұйымдастырылды

Тәуелсіздігіміздің 30 жылдығына  орай  мектеп кітапханасында «Тәуелсіздігіміздің 30 жылдығына - 30 кітап» рухани  акциясы  аясында Қазақстан Республикасы Мемлекеттік  әнұранының авторы, көрнекті ақын Жұмекен Нәжімеденовтің шығармашылығы туралы  «Менің Қазақстаным»  атты  көрме  ұйымдастырылды. Қазақстан Жастар сыйлығының иегері  Жұмекен Нәжімеденовтің өлеңдері таныстырылды.  «Менің Қазақстаным» атты  өлеңі  2005 жылы  ресми   әнұран  боп  бекітілді.  Ақынның  елім деп соққан жүрегінен  шыққан туындылары  жас ұрпақтың рухын шабыттандырып күш-жігер береді.  Көрмеге 7 «А» сынып оқушылары  қатысты.  Олар «Әжеме», «Ғұмыр ертегісі» өлеңдерін оқығандарын айтып өтті.