Референдум өткізіледі

Қазақстанда 2022 жылғы 5 маусымда республикалық референдум өткізіледі. Мемлекет басшысы Қасым-Жомарт Тоқаев халыққа бейнеүндеу жолдап, саяси жаңғыру туралы бағдарламаны тілге тиек етіп, конституциялық реформа жүргізу қажеттігін айтты. "Бұл халықтың көп жылғы талап-тілегінен туындап отыр. Азаматтарымыз мемлекетті басқару ісіне қатысуға кең мүмкіндік берілгенін қалайды. Сондай-ақ саяси үдерісті түбегейлі демократияландыру қажет деп санайды. Мұны тиімді жүзеге асыру үшін Ата заңымызға өзгерістер енгізу қажет" деді Қасым-Жомарт Тоқаев. Бір сөзбен айтқанда, Ата заң баптарының үштен бірі өзгереді. Яғни, Конституция мүлде жаңа сипатқа ие болмақ.